Parivar

Parivar Parivar Parivar



Tumhari aatma hai ye shabd,

Mehsus karo iska arth.


Kharbon mei se tum hi kyu ho mere sath?

Akhir duniya mei hum kyun hain ek saath?



Badi asaan si baat hai,

Pichle janmon se ek hi rakt hai,

Aur aagey b rahega mere dost,

Kyunki saath hi hai hum sab ka wajood,

Kissi aur jagah, kissi aur waqt, kissi aur duniya mein fir milenge ek baar.



Bana rahein hain wahi buniyad,

Jisko leke aaj hum jee rahe hain,

Jis naam pe aaj hum garv karte hain,

Ek naye naam se hogi shuruat.


Lekin tab tak iss naam ko nibhana hai,

Apne pyare bichde saathiyon ke naam, iss naam ko samarpit karke jaana hai.



Na chahiye koi daulat, koi shauhrat,

chahiye to bas sabka pyar.

Jo bichad gaye hain unka,

koi laado wapis wo sansar.


Alag thi wo duniya, waqt alag tha

Hum alag they aur ye sansar alag tha.

Kehte hain mandir masjid mein basta hai bhagwan,

Agar aisa hai to kya bula sakte ho unhein, jo nahi ab mere saath??



Samajh bahut kam hai mujmei

Par itna zaroor jaanta hun,

Ki jo hai mera parivar, usse nahi rehna shanbhar bhi alag mere yaar.


Yu to log hazaron milte hai,

Par parivar har kissi ko nahi milta hai.

Mat raho nirash, raho sabke saath,

Mauj karo, masto karo,

Yahi hai iss jeevan ka asli udhar

Bhula do saare gile shikve sabse

kyunki kal kisne dekha hai!!


Parivar Parivar Parivar.



18 views0 comments